ليه البنات بتغير من بعض؟؟؟؟؟؟

زي ما هو باين من العنوان .......

نفسي بجد أعرف ليه البنات بتغير من بعض؟
في حين من النادر إننا نلاقي السلوك ده بين الشباب

يعني إيه المشكله إن كل بنت تكون متميزه في شئ ............

ليه دايما البنت بتكون عايزه تبان إن هي الأفضل في كل جوانب الحياه ؟


يعني لو لاقينا بنت حباها الله بشئ ما لازم تلاقي أغلب البنات التانيين غيرانيين
وياريت الموضوع بيقف على الغيره الداخليه ......لأ لازم يوقفوها عند حدها
إيييييييييييييييييييه هو ما فيش غيرها؟

يعني لو البنت جميله شويه .....................هو إنتي مالك النهارده ؟عنيكي شكلها منفخه كده ليه؟

ولو شاطره شويه............إيه يا دكتوره إزاي تنسي حاجه مهمه زي دي ؟



ولو ملتزمه دينيا شويه .............من بره هالله هالله ومن جوه يعلم الله

ولو البنت المميزه قربت من واحده فيهم يبقى نهارها مزفت...................

تلاقي البصات من فوق لتحت ويبصوا يمين وشمال ..........إيه هي بتسلم على مين دي؟؟؟؟؟؟
يا ستي إحنا مش عايزين نتصاحب عليكي................سيبوها كده هي عايزه كل الناس
تحبها؟ ............أصلا الناس مش شايفينها عل حقيقتها .......بس أنا بقى فاهماها كويس قوي




يا جماعه ياريت لو تشاركوني بوجهات نظركم في الموضوع ده

ليه البنات بتغير من بعض...........................ليه مش بيتقبلوا إن كل واحده ربنا خلقها مميزه في شئ وإن تميز إحداهن مش معناه إن الباقيات غير متميزات في جوانب أخرى؟
بل كل واحده متميزه بالتأكيد في جانب من شخصيتها ولكن ربما هذا الجانب لا يظهر من الوهله الأولى