هند صبري واحمد رزق حب من نوع آخر

من طرف نور الخميس أكتوبر 22, 2009 4:44 am

هند صبري. تصوير: وكالات

تكون الفروع شجرة جميلة اوراقها الخضراء تحتضن بعضها البعض في حب وتجانس تتقاطع الافرع والاغصان كي ترحب بعالم فريد من نوعه وان اختلفت الافرع عن بعضها البعض احيانا في النهاية من الحكمة ان تدرك انها ستظل جزءا من تلك الشجرة الجميلة شجرة الحياة .

هكذا وصفت غادة عادل الصداقة في بداية برنامجها انا واللي بحبه على نايل لايف صداقة هند صبري واحمد رزق وصداقتها هي نفسها باحمد رزق الذي استقبلته مع هند صبري بترحيب كبير وبدأوا حديثهم عن رمضان واكلاته ثم انتقلوا الى حياتهم ومراحل الحياة
فترى هند صبري ان الحياة محطات ولكن الانسان يتعلم من كل محطة ما يجعله يتغير ويؤثر على شخصيته فقالت " ان هند زمان مش زي هند دلوقتي " ولكن احمد رزق شايف انه مش بيتغير مهما مر بيه من احداث ودة سر ارتباط الفنانين معه بصداقه قوية مع انه كثيرا ما اصطدم فى ناس قريبين منه وهو ما يحزنه جدا ويسببله احباط.

احمد برج الحمل وهند برج العقرب سألتهم غادة اذا تخيلوا نفسهم شجرة يتمنوا يكونوا شجرة إيه قالت هند شجرة الياسمين لانها تحبه وبيفكرها بتونس فالياسمين هو ريحة تونس اما احمد رزق فتمنى ان يكون شجرة الليمون لانها بتضيف نكهة حلوة لحياة الاخرين .

وفي تاني فقرات البرنامج على السفرة شاهد هند واحمد مشهد جمع بينهما فى فيلم التوربيني وفجأة سألت غادة هند هل ممكن ترتبط بانسان لديه اعاقه نفت هند هذه الفكرة وقال " ان انسان زي دة محتاج ملاك عشان يقدر يعيش معاه ويحبه بجد لانه يتطلب معامله خاصة وتحمل شديد "

وغنى الفنانين مع بعضهم اغنية من اغانى فيروز وشكرتهم غادة على الحلقة وقالت انها من اجمل الحلقات اللى عملتها وفى النهاية طلبت منهم توجيه رسالة لاي حد زعلانين منه .

أما ثالث فقرات البرنامج فتنسحب منها غادة لتتركها لهند واحمد ليوجهوا فيها رسائلهم بحرية فاحمد رزق قال " بمناسبة الشهر الكريم احب اقول لاي حد زعلان منى يا ريت متزعلش وانا عن نفسي مش زعلان ورمضان كريم والله اكرم "

وهند قالت " رمضان كريم واى حد زعلان منى يكلمني ويقولي وانا هعتذرله " .