عاوزاكم فى كلمتين ....ممكن؟

أنا مش هطوّل عليكم
بس أصل أنا يعنى حبيت اننا كلنا نشارك بعض فى عمل خيرى جميل
وان شاء الله كده يكون سبب نتجمع بيه فى الجنة ان شاء الله

فى عندنا فى مصر فكرة منتشرة جدااااااااا فى كل الجمعيات الخيرية وكل البيوت كمان الحمد لله
وهى ( شنطة رمضان )

عاوزاكم فى كلمتين ....ممكن؟ Image

أكيد فى كتير مننا يعرفها وبيشارك بيها
المهم شنطة رمضان دى عبارة عن
شنطة غذائية بسيطة بتتكون من :
أرز , سكر , مكرونة , سمن أو زيت أو الاتنين مع بعض ,
اى نوع من أنواع البقوليات يعنى مثلا ( فاصوليا ,عدس ,لوبيا ,أو حتى فول ) , عبوة أو أكتر شاى , عبوة أو أكتر صلصة طماطم )
ولو فى زيادة يبقى أفضل

دى مكونات الشنطة
كلها حاجات بسيطة ومن البيت ,يعنى مش لازم تشترى مخصوص
بس والله الحاجات البسيطة دى ليها معنى كبيييييييير أوى وهتفيد الأسرة اللى هتوصلها الشنطة جداااااااااا لأن بجد فى ناس كتيييييير محتاجة مساعدتنا ولو بسيطة

يعنى لو انت تعرف أسرة محتاجة قوم وجهّز الشنطة وصلّها لهم وكون السبب فى ادخال السرور على قلب مسلم ولو مش تعرف حد محتاج اسأل فى اى جمعية خيرية وهتلاقى كتيييييير

ياللا يا أحلى أعضاء عايزين نتقابل فى الجنة
شدّوا حيكلم

من طرف **salma** الإثنين ديسمبر 07, 2009 3:07 pm

بجد بجد الموضوع جامد اخر حاجه
وفكره كويسه جدا
وبجد نبهتينا بشئ مهم
ان لسه فى ناس محتاجين بجد
واوعدك أنى هاحاول أعمل بفكرتك وربنا يقدرنى ويقدر كل الناس على الخير يارب
مرسيى لموضوعك وسوف ننتظر المزيد