موقع مدرسة عمر بن الخطاب الإبتدائيه بأولاد صقر

== أوعى تسجل & ولا اقولك خليها علينا& هنستحملك سجل وأمرنا لله ==

انضم إلى المنتدى ، فالأمر سريع وسهل

موقع مدرسة عمر بن الخطاب الإبتدائيه بأولاد صقر

== أوعى تسجل & ولا اقولك خليها علينا& هنستحملك سجل وأمرنا لله ==
موقع مدرسة عمر بن الخطاب الإبتدائيه بأولاد صقر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

انواع الشباب على النت.......

اذهب الى الأسفل

انواع الشباب على النت....... Empty انواع الشباب على النت.......

مُساهمة من طرف salma الإثنين أغسطس 31, 2009 12:57 am

النوع الاول : ( الي يدوخك لسه متعلم يدخل نت )
طبعا العمر يتراوح من 22 الى ما فوق ... وتلاقيه اول ما يدخل ( هاي ممكن
نتعرف انا فلان ومن المكان الفلاني ) هاتحسي ان حنفيه معلومات اتفتحت
واي حاجة تقوليهاله يقولك ( يعني ايه مش فاهم ) وبعد كل كلمة يقولك( اصل
انا لسه جديد في النت )

والنوعية دي تنقسم لقسمين :
1 - يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه


النوع الثاني: ( اللي مش بيقدر يدخل النت كتير )

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
-1 يا اما يبقى لحوح ويفضل يطلب نفس الطلب لحد مايقرفك
-2 يا اما يبقى عنده عزة نفس وميلحش بس هيتعصب وهيقولك اعمليلي بلوك


النوع الثالث : ( الي قاعد على النت ليل نهار)

ده بقى شرحه يطول وينقسم لعدة انواع

1-المقموص ( اللي بيزعل من اي حاجه )
ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك ( اديني نمرة تليفونك
ولما تعتذري هيقولك انا هحترم رغبتك ) وهيركبلك الوش الخشب ومن وقت
للتاني هتاخدي البلوك في وشك فنصيحه من اولها كده اديله بلوك وديليت

-2 ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

-3المودي

دي بقة شخصية بتتنوع كل يوم على حسب المود ( الحاله يعني ) وهتحسي انك بتكلمي واحد عنده انقصام في الشخصية
يعني النهاردة رزين وعاقل وبكرة لاسع وبعد يومين رخم وبعدها كيوت وفريندلي طبعا الحكايه مش ناقصة جنان كفايه اللي الواحد
فيه

-4 اللزقه

والنوع ده عايز حزم في التعامل معاه لأن كل كلامه ( انتي فين ؟ بتتاخري
في الرد ليه؟ انتي بتكلمي حد ؟؟) ياعم وانت مالك بتتحشر
ليه ......ولو قلتيله ثواني هيقولك ليه ( رايحة فين؟ متتاخريش ... ايه
ده انتي لسه مجيتيش ؟؟؟ )

5- النصاح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

-6 الحبيب

( انا فيا جاذبية وكل البنات بتعجب بيا ....... ايام ما كنت ف الكليه كنت عامل ازمه والبنات بتتخانق عليا......) المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

-7 حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

-8 الكداب
من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

-9 العبيط
ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

-10 بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة ولو جربتي كل يوم تدخليله بايميل غير التاني
هتسمعي قصة حياته كل يوم مختلفة


يعني من الاخر ماتتعرفيش على شباب من النت


وياريت حد يحميني من الشباب دلوقتي عشان عارفه انهم اول مايقروا الموضوع هايموتوني:17: :17: :17: :17: :17: :17: :17: :17:
هاهاهاهاهاها

مع تحياتي
salma
salma
مراقب عام
مراقب عام

عدد الرسائل : 2796
العمر : 34
الموقع : https://ebnelsakr.mam9.com/montada-f13/
نقاط : 18413
السٌّمعَة : 3
تاريخ التسجيل : 04/08/2009

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى