*** بتقول نبعد ونتفارق ***

من طرف المستشار الأحد أكتوبر 04, 2009 4:40 am

أحب أن تكون هذه الكلمات اول ما اخطه في هذا المنتدى الرائع حقا

بتقول نبعد ونتفارق
حبيتك ورغم كده قلتي نبعد أحسن ونتفارق
وقدرتي تقوليها طب إزاي أبعد وليه أفارق ؟؟ !!
وأنا الي كنت فاكر بعد حبي ليكي عمرنا ما هنتفارق
أنا إلى حبي ليكي وعشقي إلى قلته قبل كده هو الفارق
الفارق بين قلبي وقلبك إنه قلبي ميقدرش يبعد ولا يفارق
وإللى حب زيي وعشق حبيبته الموت وحده الي يخليه يفارق
وبرضو عدتيها وقلتيها تاني يا حبيبي لا بد نفارق
علشان قلبك وحبك الي مستاهلهوش لا بد نبعد ونتفارق
وقلتي انو لا بد هيجي اليوم وأقلك فيه ارجوك نتفارق
وقلتي لو كان في بينا حب وعشق يبقى لازم نتفارق
حب إيه وعشق أيه إلي بين قلبين يخليه يبعد ويتفارق ؟؟
محسبتيش حساب قلبك حاله هيبقى ايه لو قدر يبعد ويفارق
وقلبي هتعملي بيه إيه لو عرف اننا هنكون بعاد ونتفارق
محروم إني أشوفك برضو عايزه تحرمي قلبي من حبك ونفارق
إنا كنت مصبر نفسي بحروف ما بينا طب وحالي إيه بعد ما نتفارق ؟؟
وانا يا عيني فاكر انو غرامك وحبك هو الي هيكون الفارق
هيكون الفارق بين حياتي قبلك وبين حياتي معاكي طب ازاي افارق ؟؟
أرجوكي صاريحني ولو مره وقولي ليه نبعد وليه نفارق ؟؟
إنا واثق انو مش احساسك وقلبك هم الي قالو لا بد نتفارق
هاتي قلبك كده خليني أسأله انت فعلا تقدر تستحمل وتفارق ؟؟
سيبيه يرد عليا ويقول كلامه .... حتى لو قال نبعد بعيد ونتفارق
طب قلبي هقوله إيه لما يسأل فين الي عشقه ؟؟ أقله انو فارق ؟!!
والله قلبي هيموت ويبكي دم ويقول زي كلامي ...... ويسأل طب ليه يفارق ؟؟
يا عمري مستحيل مصلحة حبين انهم يتفقوا ويقولوا نتفارق ...
قلبي زي قلبك عاش نبضه على حب التاني وبعد كده هيقف ويموت لو قلتي نتفارق
ولوعايزه قلبك يموت بعدي يبقى اسمعي كلام عقلك وقوليله هنتفارق
أما أنا فهصبر قلبي وقله متخفش دي راحت ورجعه ومش هقوله انها هتفارق
وهفضل أداري وصبر في عشقي وهوايا وقول متقدرش إنها تفارق
ولو مش حاسة بكلامي ده قلبي عندك إسأليه لو يقدر يبعد و يفارق
ولا بلاش تقولي كلمتك قدامه لانه هيموت قدامك لو سمع نتفارق
اخيرا هقولك كلمه لو قدرتي اننا نبعد ونفارق
صدقيني أنا معرفش اقول الكلمه دي وهفضل جنبك ومعاكي ومش هفارق
بعد كلامي ده أرجوكي شوفي قلبك ورعشة ايدك وانتي بتكتبي كلمة نتفارق
صدقيني اننا مع بعض وحاجه وحده الي هتخلينا نتفارق
انتحار عشقي وغرامي وانكسار قلبي بعد حبي ليكي هو الي هيخليني افارق
قلبك هو بس الي كان قادر يشتتني ويلمني من تاني ازاي هيقدر يفارق
قوليلي لو حسيتي بكلامي ونثري ازاي ممكن اننا نتفارق ؟؟؟؟؟؟؟؟؟
سؤال هسأله لقلبك ازاي فكر في كلمه نبعد وازاي قال نتفارق ؟؟
إنا مش مصدق ازاي ايدك قدرت تكتب أصعب كلمه وتقول اننا لا بد نتفارق

المستشار2 / 10 / 2009

من طرف **Admin** الأحد أكتوبر 04, 2009 4:44 am

مشكور على المشاركه الاولى يا مستشار ونرجو مزيدا من المساهمات والله ينور على القصيده ( بتقول نبعد ونتفارق ) .

من طرف **salma** الإثنين أكتوبر 05, 2009 5:00 am

هاى يامستشار
بجد قصيده تبكى
بس فى اللى ممكن يبكى من الفراق
وهو انك تسلم القلب لبايع بدون تمن
انت دفعت التمن وهو قلبك المجروح وهى سلمتك التمن بالجرح العميق بجد قصيده هايله وانا بحب الشعر جدا واتمنى بل أرجو من مشاركتك بكثير من القصائد والأبيات الشعريه المؤلمه والواضحه فهذا رجاء وفى النهايه احب أقولك
اللى يحب بجد عمره مايبيع لو قالوله ان التمن موتك فقراره اكيد انه متعلق بيك لو قتلوه عنده يموت ولا لحظه فى عمره يسيبك

*** بتقول نبعد ونتفارق *** Salma10

من طرف المستشار الإثنين أكتوبر 05, 2009 6:28 am

Admin كتب:مشكور على المشاركه الاولى يا مستشار ونرجو مزيدا من المساهمات والله ينور على القصيده ( بتقول نبعد ونتفارق ) .

مشكور أخي الكريم شادي باشا صاحب الإستضافه الجميله دي

واشكرك جدا على استقبالك وعلى ردك الزوق ده في أول مشاركه ليا معاكم
وان شاء الله القادم اجمل وانتظر المزيد

من طرف المستشار الإثنين أكتوبر 05, 2009 6:31 am

salma كتب:هاى يامستشار
بجد قصيده تبكى
بس فى اللى ممكن يبكى من الفراق
وهو انك تسلم القلب لبايع بدون تمن
انت دفعت التمن وهو قلبك المجروح وهى سلمتك التمن بالجرح العميق بجد قصيده هايله وانا بحب الشعر جدا واتمنى بل أرجو من مشاركتك بكثير من القصائد والأبيات الشعريه المؤلمه والواضحه فهذا رجاء وفى النهايه احب أقولك
اللى يحب بجد عمره مايبيع لو قالوله ان التمن موتك فقراره اكيد انه متعلق بيك لو قتلوه عنده يموت ولا لحظه فى عمره يسيبك

شكرا واعلم انها لاتكفي

شكرا جزيلا على ردك الزوق

وانا بجد كل الي اتمناه من ربنا انو ميفارقنيش عن اي انسان انا بحبه

ودايما يا رب ميكونش الفراق من نصيب اي حبين

شكرا مره اخرى واعدكم بالتواصل معاكم دائما